Inpasigurado dagiti otoridad nga awan pangta ti tsunami iti pagilian kalpasan ti nairekord a magnitude 7.2 a ginggined iti Vanuatu ita nga aldaw ti Sabado, Oktubre 24, 2026.
Basar iti naiparuk-at a Tsunami Information No.1, nairekord ti napigsa a ginggined iti oras ti alas-10:31 iti bigat iti kauneg a 10 a kilometro iti abagatan a laod a paset ti Vanuatu.
Gapu iti lokasion ken kinaunegna daytoy, inanunsio ti Philippine Institute of Volcanology and Seismology (PHIVOLCS) nga awan ti manamnama a destructive tsunami waves a makaapektar iti aniaman a kabaybayan iti pagilian.
Ti kabaroan a nakaro a panagdayyeg iti Pacific region ket napasamak kalpasan ti nairekord a magnitude 7.0 a ginggineg a timmama iti Nagqu ken Baqing County iti Tibet iti kallabes.
