Marigatan iti City Veterinary Office ditoy siudad ti Laoag a mangipataraken kadagiti ado nga aso ken pusa nga adda iti animal pound ditoy ciudad.
Segun ken ni Dr. Samantha Licudine, mangidadaulo iti City Veterinary Office ditoy siudad ti Laoag, saan amin nga adda iti animal pound ket adda ti mangayat a mangtaraken gapu ta adda dagiti agresibo nga aso.
Kunana a kasapolan iti pannakaikonsiderar iti sitwasion wenno galad dagiti aso pakairaman iti kapasidad dagiti mangtaraken kadagitoy.
Mainaig iti daytoy, inpakaammo ni Dr. Licudine nga adda iti nasurok a 20 nga aso ken 18 a pusa iti animal pound ditoy ciudad.
Innayon na a kaadoan kadagitoy ket dagiti natiltiliw da kabayatan iti panagpatrolya iti grupo da kadagiti nagduduma a barangay ditoy siudad .
