LAOAG CITY – Linukatanen ni North Korean leader Kim Jong Un ti New Yalu River Bridge a mamagkonektar iti North Korea ken China para iti pannakapatibker ti relasion dagiti dua a pagilian iti komersio.
Ti nasao a rangtay ket naipasdek idi tawen 2014, no sadinno nga ita laeng a tawen a nalukatan tapno mapaalisto ti panagbiahe ken panangipatulod kadagiti produkto iti nagbaetan dagiti dua a pagilian.
Mainaig iti daytoy, ti personal a panagturong ni North Korean President Kim Jong Un iti border ti China ket mangipakita ti natibker a relasion ken naiget a panagtinnulong dagiti dua a pagilian.
Sinabat ni senior Chinese official Wang Huning ni Kim nga iso ti nangipadanon ti mensahe ni Chinese President Xi Jinping kenkuana.
