Inpakaammo ti Cybercrime Investigation and Coordinating Center (CICC) a silulukat ti ‘messaging platform’ a Discord a mangdutok ti mangibagi kadaytoy wenno ‘local law firm’ iti pagilian.
Mangbukel ti representasion ti nadakamat nga ‘online communication platform’ tapno agserbi kas mangibagi ken mangtungpal payen kadagiti pagalagadan ti pagilian.
Ti nadakamat a plano ken iti natalantan iti panangtaripnong ti Cybercrime Investigation and Coordinating Center (CICC), nga indauloan ni Dir. Undersecretary Aboy Paraiso, ken ni Discord Senior Policy Advisor for Asia-Pacific Vasundhara Singh.
Maipalagip a bimmisita ni Singh iti pagilian kalpasan a siguradoen ti pakibinnulig iti gobierno para iti gagem a papigsaen ti online child safety ken mailungalong ti ad-adda a natalged a digital space.
Daytoy ket maiyataday a ngumatngato a bilang dagiti pangta ti online sexual abuse wenno exploitation of children (OSAEC) ken nihilistic violence extremism (NVE).
Ginutigot met ti Discord ti ahensia nga ilawlawag ti mainaig ti kiddaw no ti kalikagum ket maysa a local representative wenno kasapulan ti pisikal nga opisina tapno makapag-operar iti pagilian.
Gapu iti daytoy, inpaganetget ti Cybercrime Investigation and Coordinating Center (CICC) Usec. Paraiso a masapul a ti mangibagi ti Discord ket adda umdas nga otoridad tapno sungbatan dagiti isyu imbes nga agingga ‘contact’ laeng.
