LAOAG CITY – Inanunsio ti European Commission ti plano a pannakaipawil ti social media access kadagiti menor de edad manipud ti agtawen 15 agpababa tapno isaknap ti online safety.
Iti baben ti EU Kids Act, maaddaan ti ‘gradual approach’ kadagiti menor de edad nga agus-usar ti social media.
Mapalubosan laeng dagiti agtawen 13 agingga 15 nga maaddaan ti access iti social media platforms usar dagiti ‘mini accounts’ iti babaen ti guardian-da.
Segun iti European Commission a rumbeng a mapaneknekan ti social media companies nga “safe by design” dagiti platform-da.
Kabayatanna, umabot iti 6% ti annual sales ti agbalin a multa dagiti social media platform companies no saanda sumurot kadagiti pagannurotan.
Iti babaen ti pagalagadan, dagiti agtawen 15 agpangato laeng ti mabalin nga ag-set-up ti social media accounts-da.
No man agbalin a linteg, maapektaran dagiti nalatak nga social media applications kas ti TikTok, Instagram ken Snapchat. Pakairamanan pay ti YouTube, AI chatbots ken online games.
Mainaig iti daytoy, rumbeng nga agisubmitir ti tunggal social media companies ti detalyado a child safety plans.
