Nangrugin ti panangipaay ti relief assistance ti Department of Social Welfare and Development (DSWD) idi kalman, Oktubre 25, kadagiti indibidual a naapektaran ti uram iti Sorsogon City Public Market idi Oktubre 24.
Segun iti Department of Social Welfare and Development (DSWD), adda pakabuklan a 776 a family packs (FFPs) ti naibunong iti Barangay Sirangan Covered Court iti suidad kas umuna a tulong tapno masungbatan ti insigida a kasapulan ti taraon dagiti aglaklako iti tiendaan a naapektaran ti uram.
Basar kadagiti report, sumurok-kumurang 300 a market stalls ti uram.
Nupay kasta, tingtingitingen pay ti kinalawa ti nadadael ken bilang dagiti naapektaran nga aglaklako, pakairamanan dagiti ambulant vendor.
Segun ken ni Assistant Secretary Irene Dumlao, pannakangiwat ti ahensia, a dinutokan ni DSWD Secretary Rex Gatchalian ti DSWD Field Office (FO) 5 – Bicol Region a mangipaay ti insigida a tulong kadagiti naulila a pamilia tapno ad-adda a matingiting ti kasapulan dagiti vendor ti naapektaran ti uram.
Malaksid iti daytoy, agsagsagana ti DSWD para iti panangibunong ti tulong pinansial iti babaen ti programa nga Assistance to Individuals in Crisis Situation (AICS) tapno matulungan dagiti naapektaran nga indibidual a makatakder manipud iti insidente ken masungbatan dagiti insigida a kasapulanda.
