Nagpirma iti Memorandum of Agreement (MOA) ni Ombudsman Jesus Crispin “Boying” Remulla, Supreme Court Chief Justice Alexander Gesmundo, ken dagiti mangibagi ti Department of Justice (DOJ), Department of the Interior and Local Government (DILG) ken Justice Sector Coordinating Council (JSCC) iti pannakapapigsa ti justice sector.
Iti babaen ti Memorandum of Agreement (MOA), opisialen a karaman ti Office of the Ombudsman iti Justice Sector Coordinating Council.
Daytoy ket tapno papigsaen ti koordinasion ti justice system iti pagilain.
Pakairamanan kadagiti gagem ti Memorandum of Agreement (MOA) ket ti pannakabukel ti mekanismo para iti konsultasion ken koordinasion ti sektor ken pannakapapigsa ti pagalagadan tapno masugurado a maiyataday iti linteg ti panangipaay ti impormasion ken datos.
Nupay kasta, basar iti Office of the Ombudsman, kasapulan a maipakita iti publiko ti konkreto a tignay ket pannakatalantan kadagiti mekanismo kontra korapsion.
