Nakairekord ti Department of Health (DOH) ti panagngato ti 8% ti influenza-like illness (ILI) cases iti napalabas a lawas, ken rugyan ti ahensya ti agbakuna iti influenza vaccine ita a lawas no sadinno a ti maiprayoridad ket ti vulnerable sectors.
Segun ken ni Health Secretary Edwin Mercado, nakairekord ti 11,137 influenza-like illness cases iti napalabas lawas, ken ngimmato ti 8% manipod iti 10,278 cases a nairekord manipod Setyembre 3 agingga iti 16.
Nupay kasta, kuna ni Mercado a ti nasao a kaso ket maibilang a nababbaba paylaeng ngem ti datos iti isu metlaeng a panawen iti napalabas a tawen.
Kabayatanna, inrakurak t World Health Organization, a ti influenza-like illness ket clinical syndrome nga addaan kadagiti sintomas kas ti panaggurigor, panaguyek ken dadduma pay nga itunda ti nagduduma a respiratory pathogens.
Inlawlawag ni Mercado a ti respiratory droplets manipod iti panaguyek ken panagbaeng, ket mabalin a makaiwaras ti respiratory infections.
