Inwaragawag ti Malacañang a nasapa pay unay ti panawagan ni Senate Minority Leader Alan Peter Cayetano kadagiti padana a senador a kedkedan ti posible nga alok nga agbalin a bise presidente no ma-impeach ni Vice Presidente Sara Duterte.
Daytoy ket gapu ta saan pay nalpas ti panangusig ken saan pay naidatag ti kampo ni Duterte dagiti ebisensiada.
Kuna ti Palasyo, a rumbeng a respetaren ti Office of the Vice President ken bay-an a malpas ti proseso.
Malaksid iti daytoy, kalikagum ni Presidente Ferdinand Marcos Jr. a masurot ti due process sakbay a trataren ti posible a panagsukat iti bise presidente. Inpettengna pay a saan dapat unaan ni Senador Cayetano ti agbalin a desision ti Presidente wenno diktaran dagiti padana a senador.
Nangiparuk-at ti rakurak ni Cayetano kalpasan nga inbatad ni Senate President Francis Escudero a kedkedanna ti posible a panagtugaw kas bise presidente no man ma-impeach ni Duterte gapu ta daytoy ket senador-judge iti impeachment trial
