Namnamaen ti sabali manen a panagngato ti plete kadagiti pampasahero nga eroplano iti sumaruno a bolan.
Daytoy ket kalpasan nga inpangato ti Civil Aeronautics Board (CAB) ti fuel surcharge intono Nobyembre.
Segun iti CAB, naipangaton iti Level 17 ti fuel surcharges manipod Nobyembre 1 agingga iti 15.
Ti nasao a level ket nangatngato manipod iti dati a Level 16 manipod Oktubre 16 agingga ti 31.
Iti Level 17 ket agsingir dagiti airlines ti manipod iti P559 agingga iti P1,635 ti kada pasahero para iti domestic flights, idinto a P1,846.10 agingga iti P13,726.58 ti nayun a bayadan para kadagiti international flights.
Nangatngato daytoy manipod iti level 16 dagiti surcharges nga addaan ti P525 agingga iti P1,535 para iti domestic flights idinto nga adda met ti P1,733.76 agingga iti P12,891.29 para iti international flights.
Masingsingir dagiti surcharges kadagiti airline companies dahil gapu iti agtultuloy a panagngato ti presyo ti langis iti pagilian.
