Maideploy ti sumagmamano a kameng ti pulisya iti nagduduma a pagpasyaran ditoy probinsya
Daytoy ti inbatad ni PMAJ Jephre S Taccad, ti Provincial Public Safety, Peace and Order iti Ilocos Norte Police Provincial Office (INPPO).
Segun kenkuana, iti panangobserbar ti Undas, ado dagiti agawid wenno agbakasyon ditoy probinsiya manipud iti sabali a pagilian, no sadinno a manamnama ti ibibisita da kadagiti nalatak a pagpasyaran ditoy probinsiya.
Mainaig iti daytoy, sagsaganaan ti PNP ti posible a panagirot ti trapiko intono Nobiembre 1 ken 2, aglalo kadagiti agturong kadagiti kamposanto ken simbaan tapno makontrol ti taray ti trapiko ken maliklikan ti aksidente.
Inpaganetget na a nakaalerto dagiti kameng ti pulisya ken ipanamnama da a marikna dagiti tattao nga agturong kadagiti kamposanto iti presensiya da.
