Inbatad ni Provincial Agriculture Office Head Engr. Ma. Theresa Bacnat nga adda dagiti mannalon a naapektaran iti mula na gapu iti tikag.
Segun ken Engr. Bacnat.,apaman a naawat da ti report ket nagturong a dagus dagiti validation team da kadagiti nadakamat a lugar.
Kunana a nakitada a dagiti naapektaran ti tikag ket dagiti pagay a naimula kadagiti lugar a nakadependar iti danum wenno tudo kas iti Ili ti Vintar ken Pasuquin.
Nupay kasta, inpaganetget ni Engr. Bacnat nga adda dagiti addang iti Provincial Agriculture Office tapno maalay-ayan ti epekto ti tikag kas ti panangtarimaan ken pannakaipasdek dagiti irigasion a mabalin a pagummungan ti danum.
Malaksid iti daytoy, adda pay dagiti immediate solution kas iti fuel subsidies ken backhoe para kadagiti organisasion dagiti mannalon a mausar a pagkali ti bassit a water impounding reservoir.
Innayun na a no adda iti naperdi a mula dagiti mannalon nga epekto ti tikag ket i-report da laeng kadagiti Municipal wenno City Agriculture Office-da tapno ma-asses wenno ma-validate dagiti mulada.
