LAOAG CITY – Nakagun-od ni Angela Karime Hernandez Venegas ti international gold medal kalpasan ti panagimbentona ti prototype Vortex Tech usar ti low-frequency sound waves wenno uni tapno makapagpasardeng ti uram.
Imbes nga agusar ti danum, foam wenno aniaman a klase ti kemikal, ti imbension ni Angela ket agususar ti uni tapno pagsardengen ti apoy.
Gapu iti naidum-duma nga imbension, nagun-odna ti balitok a medalya iti International Science and Invention Fair (ISIF) 2026 idiay Indonesia, no sadinno naglalabanan daytoy ti pakabukelan a 110 nga imbension manipud kadagiti nakipaset a 25 a pagilian iti intero a lubong.
Kabayatanna, basar iti Mexican media, daytoyen ti maika-innem a gundaway a nakagun-od ni Angela ti science and innovation medals iti laeng tawenna a 16.
