Nagballaag ni Agriculture Assistant Secretry Arnel De Mesa a dakkel ti epekto na ti panagbaba ti balok ti piso gapu iti dolyar a mabalin a mangipangato kadagiti presio ti imported agricultural commodities kas koma iti bagas ken abono.
Basar iti Deprtment of Agriculture (DA), ti Daily Price Index iti kaudian a datos, agbalor ti imported a bagas ti P56.09 per kilogram (kg) ken ti well-milled imported rice a P48.58/kg.
Mainaig iti daytoy, iti kaudian a datos manipud iti Bureau of Plant Industry, maipakita a nakadanonen ti 4.36 million a metriko tonelada ti rice imports iti baet ti umay nga El Niño.
Kabayatanna, agtalinaed met kas umuna a rice supplier ti Vietnam nga immabot iti 2.78 million metriko tonelada, a kasaruno ti Thailand ken Myanmar.
