Inbatad ni Ilocos Norte Bureau of Fisheries and Aquatic Resources (BFAR) Head Vanessa Alimbuyugen nga awan ti kaso ti illegal fishing iti probinsia wenno iti panagaramat kadagiti pabettak iti pagkalapan.
Inpaganetgetna a resulta daytoy iti napigsa a suporta dagiti local government units (LGUs), ken bantay-dagat a kakaduada a mangyimplementar kadagiti pagalagadan ti panagkalap.
Inbatadna nga awan met naawatda a report manipud kadagiti mangngalap mainaig iti Fish Kills wenno Fish Mortalities kabayatan nabara ti panawen.
Mainaiig iti daytoy, binalakadanna dagiti mangngalap a no man adda dagiti fish kills kadagiti pagkalapan ket insigida nga i-report tapno masolusionanda dagitoy.
Mamati ni Alimbuyugen a babaen dagiti isaysayangaktda nga information dissemination ket ditoy nasursuro dagiti fisher folk ti agkalap nga awan salsalungasingenda a paglintegan.
Ginutigot pay Alimbuyugen dagiti stakeholders ken mangngalap a suruten dagiti panagkalap a maibasar iti siyentipiko ken aquaculture tapno masaganaan iti epekto ti El Niño.
