Inarakurak ti Philippine Coast Guard (PCG) a sumurok 36,000 a pasaheros ti nairekord kadagiti pantalan iti intero a pagilian ti Oktubre 31 iti panagawid dagiti Pilipino kadagiti probinsia-da tapno selebraran ti Undas.
Basar iti kaudian a report, immabot iti 18,717 ti outbound passengers wenno dagiti pumanaw a pasaheros, idinto a 17, 491 met ti inbound passengers wenno dagiti agsangpet.
Inbatad pay ti ahensia nga ininspeksion da ti 216 a barko ken 72 a motor banca.
Daytoy ket paset ti panagsagana iti manamnama a panagado dagiti biyahero iti Undas, naka-heightened alert met ti PCG ti amin unit daytoy ken nangi-deploy ti 6,146 frontline personnel kadagiti kangrunaan a pantalan iti pagilian.
Immunan nga inbatad ti Philippine Ports Authority a manamnama nga umabot iti 1.93 a milyon dagiti pasahero nga agbiahe babaen ti barko nga agawid kadagiti probinsia-da ita a long weekend. Nangimmato daytoy iti 1.90 milyon no idasig iti napan a tawen.
