LAOAG CITY – Dimmalan iti military training ni Ethiopian Prime Minister Abiy Ahmed ken dagiti cabinet ministers ken ti sumagmamano a senior government officials.
Karaman ditoy da Speaker ti House of Federation Muferiat Kammil, Finance Minister Fitsum Assefa ken ni Health Minister Mekdes Daba.
Gagem ti nasao a training nga agbalin a physically fit, morally strong ken intellectually capable dagiti opisial ti gobierno.
Naiwayat ti panagsanay dagiti opisial kalpasan ti napasaran ti Ethiopia a pangta iti seguridad, pakairamanan iti panakilabanda iti paset ti northern Tigray region, riribuk iti Amhara ken ti insecurity idiay Oromia.
