LAOAG CITY – Nagballaag ni Ombudsman Jesus Crispin Remulla kadagiti amin a government officials a liklikan ti conflict of interest kabayatan nga agserserbi iti gobierno.
Inbatadna a nasaysayaat lattan nga agpili iti nagbaetan ti negosio wenno pulitika.
Ti nasao a rakurak ket kagiddan ti agtultuloy nga imbestigasionda kadagiti sumagmamano nga agpanpanday linteg a karaman iti anomalya.
Inpettengna a nasken a maaddaan ti delikadesa ti tunggal pulitiko no sadinno nga isardengen ti conflict of interest.
Inlawlawagna a no kalikagum ti agnegosio ket daytoy lattan ti tutukan ken saan a sumrek iti pulitika.
Kunana a karaman pay ditoy ti nakadawyan dagiti opisial ti gobierno nga agbalbalin a government contractors ket saan laeng a limitado kadagiti party-list.
Iti agdama, adda ti im-imbestigaranda a dua nga agpanpanday linteg a karaman iti graft gapu iti sanikua wenno addaan ti koneksion iti maysa a construction service.
