LAOAG CITY – Inbatad ni P/Lt. Col. Jerome Wankey, hepe ti Philippine National Police iti siudad ti Batac a ‘generally peaceful ti panagselebrar ti Undas ti siudad ken awan ti naawatda nga aniaman a report ti insidente.
Inpakaammo na a sakbay ti Undas ket nagpatawag ti local government unit, iti panangidaulo ni Mayor Markee Chua, no sadinno nagtataripnong dagiti nagduduma nga ahensia kas iti Bureau of Fire Protection, Philippine National Police, City Disaster Risk Reduction and Management Office ken dadduma pay mainaig iti panagsagana ti siudad iti selebrasion ti Undas.
Mainaig iti trapiko, nagtitinnulong dagiti nagduduma nga ahensia, pakairamanan ti barangay a nang-establisar ti advance command post ken tarpaulin a mangipakita ti pagserkan ken pagruaran a ken nangtarabay dagiti nagturong ti kamposanto.
Kabayatanna, adda met ti naestablisar a nagpuestoan dagiti vendors ken adda met ti designated parking para kadagiti behikulo. Ngem dagiti napno ti designated parking ket ‘drop and go’ dagiti luganen tapno maliklikan ti heavy traffic.
