Binigbig ni Vice President Sara Duterte kadagiti pimmusay iti iduduprak ti Super Typhoon Yolanda iti Tacloban City idi 2013 kas paset ti panangobserbar ti Undas.
Binisita ni Duterte ti Holy Cross Memorial Gardens idi Biyernes, kadwa na dagiti kameng ti Office of the Vice President-Eastern Visayas Satellite Office.
Nnagidatun ti bise presidente kadagiti sabsabong, nagsindi ti kandela ken nagkararag para kadagiti pimmusay iti kalamidad.
Ginutigot pay ti bise presidente iti publiko nga agtalinaed a natibker iti baet dagiti pannubok.
Maipalagip a rinibo a tattao ti natay iti iduduprak ti Super Typhoon Yolanda iti pagilian idi Nobyembre 2013, idinto a nasurok a maysa a milyon a balay ti nadadael.
Malakid iti daytoy, binisita pay ni Duterte ti Ormoc City Public Cemetery Mass Grave Memorial iti Leyte, a nakaitaneman dagiti biktima ti nakaro a flash flood idi 1991.
