Saan a pinatgan ti International Criminal Court (ICC) Trial Chamber III ti kiddaw dagiti biktima ti war on drugs mainaig ti panagusar ti Tagalog iti opening statement iti panangusig ken ni dati a Presidente Rodrigo Duterte.
Daytoy ket kas paset ti desision ti trial chamber iti maudi ken maikalima nga status conference ti dati a presidente iti International Criminal Court (ICC) idiay The Hague, Netherlands.
Mainaig iti daytoy, saan a nagatendar ni Duterte iti nasao nga status conference kalpasan a pinalubosan daytoy ti korte babaen ti kiddaw ti depensa a saan nga agatendar.
Inbatad ni Presiding Judge Joanna Korner a ti panagusar ti Tagalog, a saan nga opisial a lengwahe ti ICC ket mabalin a makaipaay ti saan a panagkinnaawatan iti aplikasion dagiti biktima ken mabalin a mangipangato ti magastos iti panangusig gapu iti translation requirements.
Immuna iti daytoy, inpaganetget ni Public Counsel for Victims Paolina Massidda ti kinapateg ti panagusar da ti tagalog iti opening statement tapno mailawlawag a nasayaat dagiti biktima dagiti naratibo da.
Inpetteng na a mausar laeng ti Tagalog iti limitado nga oras ken saan nga iti intero nga opening statement.
Kabayatanna, babaen ti Rome Statute, ti opisial a lengguahe ti ICC ket English ken French.
