LAOAG CITY – Nagpanawagan ni Senador Kiko Pangilinan ti insigida nga imbestigasion ken panagsungbat mainaig iti maipagarup a pannakaibelleng dagiti 29 a natay a taraken nga ayup iti maysa a bakante a lote iti San Jose del Monte, Bulacan.
Kinondenar ni Pangilinan ti maipagarup a panangluko kadagiti pet owner a nagbayad para iti napintas a pannakaidulin dagiti natay a tarakenda.
Ginutigotna dagiti otoridad ti insigida a pannakaimbestigar ken panagsungbat dagiti adda iti likudan iti nasao nga pannakaibeleng dagiti natay nga ayup.
Gapu iti daytoy, ilunglungalong ti senador ti Senate Bill No. 2501 wenno ti Dolly’s Act tapno papigsaen ti proteksion dagiti ayup, pakairamanan ti regulasion dagiti pasilidad kas ti pet crematorium.
