Umabot iti 26 a tattao ti natay kalpasan ti panagbomba ti Russia iti aid distribution centre iti Ukraine.
Inawagan met ni Ukrainian President Volodymyr Zelensky ti napasamak a panagatake kas “utterly horrific”.
Malaksid kadagiti natay ket adda pay ti lima nga indibidual a nasugatan ken 27 ti inisyal a naireport a mapukpukaw kalpasan ti insidente.
Basar ken ni regional head Mykhailo Semikin, umabot iti siyam a 3,000kg aerial bombs ti timmama iti Komyshuvakha village iti abagatan ti Zaporizhzhia region.
Inbatad ni President Zelensky a kalpasan ti immuna a panagatake iti maysa a pagadalan a maus-usa a pakaibunungan dagiti tulong ken napasamak ti maikadwa a panagatake iti temporaryo a pagnanaedan dagiti tattao a naapektaran ti riribok.
Agpapan maisursurat daytoy a damag ket awan pay ti komento ti Russian military mainaig iti napasamak a panagatake.
