LAOAG CITY – Nairekord ti baro a panangiruar ti dapu manipud iti Bulkan Mayon iti Albay ita a Martes, Nobiembre 3.
Basar iti Philippine Institute of Volcanology and Seismology (PHIVOLCS), nangrugi ti ash emission itay alas 8:22 itay bigat, no sadinno umabot iti 1,600 a metro ti kangato ti abu manipud iti bulkan.
Mainaig iti daytoy, agtultuloy ti panang-monitor ti PHIVOLCS ti kondision ti Bulkan nga agaltalinaed iti Alert Level 3.
Gapu iti daytoy, temporario a maipawil ti panagserrek iti innem a kilomero a Permanent Danger Zone wenno PDZ iti aglawlaw ti bulkan gapu iti posible a risgo manipud iti agtultuloy nga aktibidad ti bulkan.
