LAOAG CITY – Inaprubaran ti Department of Labor and Employment (DOLE) ti pannakaipatungpal ti kanayunan a sueldo para kadagiti minimum wage earner iti Western Visayas (Region VI) ken ti SOCCSKSARGEN (Region XII).
Iti Region VI, ngumato ti P40 agingga P45 ti inaldaw a sueldo dagiti mangmangged a manamnama a mangrugi a maipatungpal intono Nobiembre 19, 2026.
Makaawat pay ti kanayunan a P500 iti binulan a minimum wage dagiti domestic workers iti intero Western Visayas.
Iti met Region XII, manamnama ti P41 a kanayunan iti inaldaw a sueldo dagiti mangmangged iti pribado a sektor a manamnama a maipaay iti dua a bansada.
Mangrugi a maipatungpal ti umuna a bansada a P16 intono Nobiembre 19 kabayatan a ti nabatbati pay a P25 ket manamnama met a maipatungpal intono Enero 1 iti sumaruno a tawen.
