Possible nga agur-uray laeng ti International Criminal Court (ICC) iti gobierno ti Pilipinas no isuko ni Senador Ronald “Bato” dela Rosa.
Daytoy ti inbatad ni Atty. Kristina Conti, ICC assistant to counsel, mainaig iti agdama a legal ken political developments iti agpanpanday linteg.
Segun ken ni Conti, saan unay wenno direkta a banbantayan ti International Criminal Court (ICC) ti aktwal a proseso ti panangarestar iti Senador.
Nupay kasta, inpaganetgetna a nakapukos ti international court iti agbalin a desision ken tignay ti gobierno ti Pilipnas kas responsable nga otoridad.
Maipalagip a sumangsango ni Dela Rosa kadagiti imbestigasion mainaig iti nagbalin a papelna iti kampania kontra iti droga idi napalabas nga administrasion.
Kabayatanna, agtalinaed a nakapukos ti publiko ti agbalin a posision ti gobierno inton oras a mangiparuk-at dagiti pormal a bilin ti International Criminal Court (ICC).
