LAOAG CITY – Nagballaag ti Department of Health (DOH) iti publiko kontra iti panagdepende laeng iti water devices tapno masigurado a natalged ti inumen a danom iti baet ti pangta ti super El Niño.
Inrekomendar ti DOH a sagaten ken iproseso paylaeng ti narugit a danom nga adda ti laokna a pitak tapno maliklikan ti panagbara ti filtration system keb masiguradao ti panagbalin nga epektibo na daytoy.
Segun iti DOH, mabalin a mangiyuswat ti pakpakauna a panagdalos no nangato ti kontaminasyon ti danom wenno adda ti laok na a debris ken dadduma pay a rugit.
Inlawlawag pay ti ahensya a nakadepende iti kadakkel ti buttaw ti filter ti kabaelan na mangsagat ti rugit iti danom.
Nabalakadan pay ti publiko a makikoordinar iti local health offices iti lugar da para iti usto a panagusar ti chlorine tablets ken siguradwen a rehistrado iti Food and Drug Administration (FDA) dagiti us-usaren a water filter.
