Inbatad ni Fire Senior Inspector Edison Reyes, acting fire marshal iti Bureau of Fire Protection ditoy siudad ti Laoag nga umabot iti nasurok P2, 587, 800 ti mapatta-patta a Balor dagiti nadadael iti napasamak nga uram iti Brgy Nalbo ditoy siudad iti kallabes.
Daytoy ket basar kadagiti insumitir a dokumento dagiti naapektaran a pamilya no sadinno a nailanad dagiti kagamitan a napukaw kadakuada.
Maipalagip nga idi Oktobre 31 ket nauram iti uppat a pagtaengan a nakaapektaran ti innem a pamilia iti Brgy Nalbo ditoy siudad.
Nagresponde met a dagus dagiti kameng ti Bureau of Fire Protection ngem dakkelen ti apoy makadanon da iti lugar.
Inpetteng ni Reyes a naladaw a naireport kadakuada ti napasamak nga uram.
