LAOAG CITY – Nagaramid ti kanta ti OPM singer a ni Zack Tabudlo para iti JeoLee tandem iti maysa a reality show.
Segun ken ni Tabudlo, gapu iti popular demand dagiti dua, alistona a sinurat ti kanta a napauloan ti “Tsaka Nalang”.
Nai-release ti nasao a kanta iti daytoy nga aldaw, Nobiembre 6, 2026, no sadinno inspirasionna ti JeoLee moniker a rinugian dagiti fans para iti tambalan dagiti dua a housemates a da Ong ken Dangca.
Kabayatanna, ni Zack ti adda iti likodan dagiti nalalatak a kanta a “Pano,” Give Me Your Forever,” ken ti “Binibini.”
Malaksid iti daytoy, idi laeng Mayo, karaman ni Zack iti listaan ti Forbes Asia 30 Under 30.
