LAOAG CITY – Nagballaag ti World Health Organization kadagiti agtutubo iti panangngato ti problema ti salun-at gapu iti saan a panagehersisio no sadinno a narigat pay nga aramiden da ti uneg ti maysa a lawas.
Mapatta-patta a maysa kadagiti uppat nga agtutubo nga agtawen 11 agingga 17 ti awan ti aktibo a panaggarawna iti uneg ti maysa a lawas.
Daytoy ket naduktalan iti panagsukisok ti The Lancet Global Health manipud ti survey kadagiti 140 a pagilian a nakipasetan ti sumurok 3.2 millions nga agtutubo.
Naduktalan a daytoy ket mangipaay ti nakaro a risgo kas koma ti sakit ti puso, type 2 diabetes ken nagduduma a kanser.
Kabayatanna, kinuna dagiti eskperto a natapateg ti panangtulong kadagiti agtutubo tapno masapa a maprotehiran ti salun-at ken mangliklik iti nakaro nga epekto ti nagduduma sakit kenkuada.
