LAOAG CITY – Kinontra ni Senador Robin Padilla ti minilyon a gatad a gunguna kontra iti kaduana nga agpanpanday linteg a ni Senador Bato Dela Rosa.
Kinunana a saan nga umanamong daytoy iti 50-million a pisos a nakaparabaw iti ulo ti senador kageddan ti arrest warrant manipud iti International Criminal Court.
Inpettengna a saanen a kasapulan pay ti nasao a gatad gaputa saan met nga aggapu ditoy pagilian ti nasao nga arrest warrant.
Mainaig iti daytoy, ginutgotna ti publiiko a masapol a kitaen ken tingitingen a nalaing ti nagibasaran ti nasao a gunguna gaputa segun kenkuana, kuarta dagiti Pilipino ti mausar kontra iti senador nga inbotos met laeng dagiti Pilipino.
