Addan ti pakabuklan a 2,922 a kaso ti dengue ti nairekord ditoy probinsia manipud Morbidity Week 1 agingga ti Week 43.
Basar iti kaudian a datos ti Provincial Epidemiology and Surveillance Unit (PESU), adda ti 71 a baro a kaso iti Morbidity Week 43 ken nagtalinaed nga uppat dagiti pimmusay iti nasao a sakit.
Gapu iti daytoy, naibalakad ti agtultuloy a panangipatungpal kadagiti usto a wagas tapno malapdan ti ad-adda pay a panagadu dagiti kaso ditoy probinsya.
Karaman ditoy ti panangikkat dagiti pagyanan ti danum a pagitlogan dagiti lamok, taktaken ken dalusan dagiti banag a mabalin a pagurnongan ti danum, siguraduen a namaga ken nadalos ti aglawlaw tapno saan a pagyanan dagiti lamok ken no adda adda sintomas ti dengue kas iti agnanayon a gurigor, nakaro a sakit ti ulo, wenno panagbakwar, mapan a dagus iti kaasitgan nga health facility.
Nagpalagip ti Provincial Epidemiology and Surveillance Unit a ti pannakasalaknib kontra dengue ket responsibilidad ti tunggal maysa.
