LAOAG CITY – Ginutigot dagiti mangidadaulo ti COP31 Climate Summit iti intero a lubong nga iyalisto dagiti addang kontra iti global warming, kageddan ti agtultuloy a panagngato ti temperature ken panagado dagiti kalamidad nga epekto I climate change a dakkel a pangta kadagiti tattao ken ekonomiya ti lubong.
Mainaig iti daytoy, narugian iti Turkey ti dua a lawas a komprehensia ti United Nations (UN), no sadinno a nagpannawagan dagiti opisial kadagiti gobierno nga adadda a pagpokusan ti climate change, iti baet ti dadduma pay a sangsangoen a world crisis kas ti rinnupak, panagngato ti presio dagiti magatgatang, ken ti epekto ti artificial intelligence wenno AI.
Mapatta-patta a sumurok iti 1.5 degrees Celsius no ikumparar sakbay ti baro a lebel ti industiyalisasyon.
Kabayatanna, marikna ita a tawen ti agsasaruno a nakaro nga heatwave iti lauden a paset ti Europa ken ti panagreggaay ti maysa a glacier iti Nepal nga epekto ti nakaro a panaglayus ken nakatayan ti 1,450 nga indibibual idinto a rinibo ti mapukpukaw.
