Inrakurak ti komedyante a ni Kakai Bautista nga iti tawen na nga 48, maipanakkel na a single iti agdama ken awan ti anak na.
Inlawlawag ni Kakai nga ado ti rason no apay a pinili na ti agtalinaed a single ken awan ti anak na.
Inbatad na a ti desisyon na a saan nga aganak ket dakkel a factor dagiti nagbalin a kapadasan na idi ubing daytoy, ken saanna a kayat ti agnayun ti carbon footprint.
Inpettengna a no malaglagip na dagiti pannakabul-bully na idi kaub-ubingan na gapu iti itsura na ket amangan no saanna a kabaelan no mapasaran met ti agbalin nga anakna isut gapuna a nasaysayaat laengen a saan a naganak pay.
Innayon na a kontenton iti biagna iti agdama ket addan metten ti “growing sense of contentment.”
