LAOAG CITY – Umabot iti 11 ti nairekord a natay kalpasan ti panagdidinnungpar dagiti lugan idiay Bulgaria.
Napasamak ti insidente iti Trakia motorway asideg ti Zinnista idiay Southern Bulgaria, no sadinno nairekord ti saan a bumaba iti 20 a lugan ti nagdidinnungpar.
Mainaig iti daytoy, inbatad ni Prime Minister Rumen Radev a ti mabalin a rason ti nasao nga insidente ket gapu iti nabengbeng a fog ken ti nagalis a kalsada.
Malaksid kadagiti 11 a natay, nasagaba met ti sugat dagiti 50 nga indibidual, no sadinno insigida dagitoy a naitaray iti nagduduma nga ospital iti lugar.
