LAOAG CITY – Naikeddeng a pumanaw nga agturong idiay Malaysia ti Gilas Pilipinas inton Nobyembre 21 para iti fifth window ti FIBA World Cup Asian Qualifiers.
Daytoy ket tapno maipaayan da coach Tim Cone ken ti national team ti agingga lima nga aldaw tapno ikabesa ti aglawlaw ti Seremban City kasta payen iti Karisma Arena.
Mainaig iti daytoy, manamnama pay a mangiwayat ni Cone ti mini-camp iti Malaysia tapno mapapigsa ti standing ti Gilas ken makastrek da iti World Cup iti Doha Qatar inton sumaruno a tawen.
Sumaruno met iti Malaysia intono Nombiemre 22 ti sumagmamano nga overseas playes kas kada Dwight Ramos, AJ Edu, Kevin Quiambao ken ti posiblidad a makaay-ayam pay ni Kai Sotto.
Iti agdama, adda four-win ken four loss ti Gilas ken isuda laeng iti maikalima a puesto iti Group E no sadinno nga idadauloan ti Australia a sinaruno ti New Zealand, Iran, ken Jordan.
