LAOAG CITY – Inpaayan ti 90 nga aldaw a preventive license suspension ti Land Transportation Office (LTO) ti miembro ti P-pop gilr group ti BINI a ni Mikha Lim kalpasan a matiliw daytoy iti maysa a live video a maipagarop nga agus-usar ti cellphone kabayatan ti panagmaneho na.
Naipakita iti nasao a video ti panag-record ni Lim iti bukodna a cellphone kabayatan nga adda iti likod ti manibela sakbay a natinnag ti cellphone-na.
Mainaig iti daytoy, naala pay iti recording ti pananggaw-at na ti baba a paset ti lugan tapno alaen daytoy.
Nangiparuk-at met nga insigida ti ahensia ti Show Cause Order kontra iti P-pop artist gapu iti posible a panaglabsingna iti Anti-Distracted Driving Act ken dadduma pay a probisyon ti traffic regulations iti pagilian.
