LAOAG CITY – Kinumpirmaran ni Trade Secretary Cristina Roque ti manamnama a panagpinnirma ti Pilipinas ken Chile iti katulagan a free trade intono sumaruno a lawas.
Daytoy ket tapno maikkan dagiti Filipino exporters ken dagiti produkto ti pagilian ti gundaway a sumrek iti South Amerika.
Basar iti record ti gobierno a dinakamat ni Roque, ti pakabukelan a naipatuloden ti Pilipinas sipud Enero agingga Setiembre iti daytoy a tawen ket immuli iti 17.2% a kaibatugan ti $73.9 billion.
Mainaig iti daytoy, ngimmato ti 35.6% ti nai-export ti pagilian iti laeng bolan ti Setiembre, no sadinno daytoyen ti kapigsaan a nagbalin a bilang ti export ti pagilian iti laeng maysa a bolan sipud idi tawen 1991.
