LAOAG CITY – Kalikagum ti Bureau of Jail Management and Penology (BJMP) iti siudad ti Laoag a pagtalinaeden ti supply ti danomda iti uneg ti pagbaludan babaen ti pannaki binnuligda kadagiti nagduduma nga ahensia.
Inbatad ni JSINP Sheila Marie Sapaden, ti acting Jail Warden iti nasao a pagbaludan, nga addan dagiti ahensia ken pasdek a nakikoordinaranda babaen ti memorandum of agreement kas agtultuloy nga addangda iti panagpatalinaedda ti umdas a suplayda ti danum kabayatan ti mapaspasaran nga El Niño.
Dagitoy ket pakairamanan ti Ilocos Norte Water District, Bureau of Fire Protection iti siudad ti Laoag, water refilling station a pagal-alaanda ti inomenda a danom ken iti opisina ti Mayor iti siudad ti Laoag.
kabayatanna, malaksid kadagiti mabalin a paggapoan ti supply ti danum para iti komunidad iti uneg ti pagbaludan, mananamnama pay ti pannakipinnirmada kadagiti health units iti siudad para iti panagsagsaganada iti agbalin a kaso ti aniaman a sakit dagiti Persons Deprived with Liberty (PDL) iti pagbaludan.
