LAOAG CITY – Nagbalin ti maysa nga artista iti California kas maritime mycologist kalpasan a nagballigi iti 26.37-mile journey na iti kayak a naaramid babaen ti higante a mushroom.
Ni Sam Shoemaker, a Los Angeles-based artist ken fungi enthusiast, ket nakumpleto na ti solo voyage idi Agosto 2025, no sadinno a nagdalyasat manipod iti Catalina Island ken nagturong iti Cabrillo Beach babaen ti panangusar na ti 12-foot kayak a naaramid babaen ti mycelium ti Ganoderma polychromum.
Ti 12-hour journey ni Shoemaker ti nangitunda ti pannakagun-od na ti Guinness World Record para iti longest solo journey by a fungal mycelium boat.
Naamoan a nasurok a maysa a dekada ti binusbos ni Shoemaker iti panagaramid ti dinosdosena a fungal species, ken pinagbalin na dagitoy nga sculptures ken art installations.
Inaramid ni Shoemaker ti kaunaan a 15-foot mushroom kayak idi 2024 ken iti saan a nagbayag ket nakaaramid mnen ti baro aa disenyo, kadwa na ti kasinsin na a ni Laza, babaen ti panagusar da ti fiberglass mold, biodegradable textiles ken plant-based materials tapno mapadakkel ti mycelium iti disenyo ti Bangka.












