LAOAG CITY – Naipatungpal ita nga aldaw ti baroa a panagbaba ti presio dagiti produkto ti petrolyo.
Naipatungpal itay alas-6:00 ti bigat ti panagbaba iti P3.80 iti kada litro ti presio ti diesel, idinto a P1.50 met ti naikissay iti presio iti kada litro ti gasolina.
Dakkel pay ti nagbabaan iti presio ti kerosene nga umabot met iti P5.80 iti kada litro.
Segun iti Department of Energy (DOE), ti nasao a panagbaba ti presio dagiti produkto a petrolyo ket gapu iti nawayan a panagdalyasat dagiti oil tankers idiay Strait of Hormuz.












