Ngimmato ti dairy production ti pagilian iti agarop 30 a porsiento iti umuna a siyam a bolan ita a tawen.
Basar iti datos ti National Dairy Authority (NDA), ti pakabuklan a dairy production manipod Enero agingga iti Setyembre ita a tawen ket ngimmato ti 41.46 million liters manipod iti 31.97 million liters iti napalabas a tawen.
Inbatad ti National Dairy Authority a dagiti gatas a manipod iti baka ti kaadoan a paset ti output a 21.86 milyon a litro, wenno 52.72 a porsyento ti pakabuklan ti produksyon iti nasao a panawen.
Sumaruno a kadakkelan ti pasetna iti output ket ti gatas ti nuwang nga addaan met ti 15.64 million liters wenno 37.74 ken ti gatas ti kalding a 3.96 million liters wenno 9.54 percent.
Iti baet ti panagngato ti pakabuklan a dairy production ket agarop 2.46 percent laeng ti nagun-od manipod iti kasapulan a gatas iti pagilian.











