Ngimmato ti P21.27 iti kada kilo ti average farmgate price ti nabilag nga irik idi Oktubre 2026, maibasar iti datos ti Philippine Statistics Authority (PSA).

Nangatngato daytoy ti agarop 34 a porsiyento no ikumpara iti P15.89 iti kada kilo idi Oktubre 2025.

Basar iti Philippine Statistics Authority, ti farmgate price ket presyo a maaw-awat dagiti mannalon para iti produkto da iti mismo a lugar ti pagap-apitan da.

Saan a karaman ditoy ti gastos iti transportasyon ken dadduma pay a paggastusan iti panaglako.

Immunan nga inpangato ti National Food Authority ti buying price ti irik iti P30 iti kada kilo.

Mapalubusan metten dagiti mannalon a makasuplay ti agingga iti 500 a sako ti kada cropping season.