Naitampok dagiti humanoid robots kabayatan ti pannakasabat dagiti bisita ken world leaders babaen ti dance performance sakbay ti Asia-Pacific Economic Cooperation (APEC) summit.

Nakita dagiti nadakamat a robots a mangisaysayangkat ti dance formation, sparring iti uneg ti metal cage, pakairamanan pay ti panagiserbi ti ice cream kadagiti bisita ken residente.

Basar iti video, 151 nga humanoid robots ti naglilinya ken nagperform ti synchronized dance moves kas ti panag-swing ti ima, panag-bend ti bagi ken dadduma pay.

Mainaig iti daytoy, nagun-od dagiti robots ti baro a Guiness World Record para iti synchronized dance routine no sadinno naartapan na ti dati a record a 110 a robots.

Iti maysa pay a display, nakipaset dagiti humanoid robots iti maysa a martial arts-style performance nga addaan ti props.