Nagtutulag ti tallo a katurayan a lider iti lubong a da United States President Donald Trump, Russian President Vladimir Putin, ken Chinese President Xi Jinping para iti panangpapigsa ti kapia iti sangalubungan kalpasan ti trilateral meeting-da iti Shenzhen, China, idi kalman, Nobiembre 19 kabayatan ti Asia-Pacific Economic Cooperation (APEC) Summit.
Nagpaot iti maysa nga oras ken 20 a minuto ti panagtaripnong da no sadinno a tinatrar da ti maipanggep ti seguridad, enerhia, ken rinnupak iti Ukraine.
Iti sangsangkamaysa a deklarasion da, inpaganetget dagiti lider a rumbeng a saan a mapasamak ti nuclear war, napagsaritaan pay ti panangipalawa ti produksion ken suplay ti petrolyo.
Malaksid iti daytoy, inpetteng ni Trump ti kinapateg ti ‘open’ wenno silulukat a komunikasion tapno maliklikan ti world war, idinto nga inpaganetget met ni Putin a kasapulan nga ileppasen ti kumarkaro a rinnupak iti Ukraine.
Maibilang ti panagtaripnong dagiti tallo a lider kas pakasaritaan.






