Inbatad dagiti lider iti Europa a nakasagana dan para kadagiti negosasyon iti Russia tapno malpasen ti gubat iti nagbaetan da ti Ukraine, kas maysa a natibker ti panangipakita da ti suporta para iti Kyiv.

Segun ken ni UK Prime Minister Andy Burnham, ti Europa ket addaan ti nalawag, agpapada ken maymaysa a posisyon da iti negosasyon idinto nga inpaganetget met met ni German Chancellor Friedrich Merz a dagiti maximalist a kiddaw ti Moscow ket saan a nakapapati.

Nagsarita dagiti lider ti Europa a kaalyado ti Ukraine kabayatan ti summit iti Berlin a mabigbig kas Coalition of the Willing.

Mainaig iti daytoy, inbatad ti manugang ni US Presidente Donald Trump a ni Jared Kushner, maysa kadagiti dua nga US envoy a nagturong idiay Berlin, kayat ti US president ti maaddaan ti katulagan iti Moscow babaen ti panangbayabay kenkuana ti Europa.

Immunan nga inrakurak ni Russian President Vladimir Putin a saanna a bigbigen ti agbalin nga akem ti Europa iti US-led peace talks.