LAOAG CITY – Kiniddaw ti defense team ni dati a Pesidente Rodrigo Duterte iti International Criminal Court (ICC) ti panangibasurada ti testimonia ti maysa a witness ti prosekusion.

Daytoy ket kalpasan ti panangipetteng ti depensa a saan a napaneknekan ti prosekusion a mabalin nga agtestigo ti witness-da.

Iti petision nga inpila ti depensa, kiniddawda ti pannakaibasura ti kiniddaw ti prosekusion nga awaten ti ebidensia ti witness P-0002, maysa kadagiti masansan a paggapgapoan ti impormasion ti prosekusion iti kaso kontra ken ni Duterte.

Mainaig iti daytoy, agarup kwestionable ti kredibilidad ti nasao a witness gapu iti agbaliw-baliw a rakurakna.

Kabayatanna, naikeddeng ti panagdengngeg iti kaso ni dati a Presidente Rodrigo Duterte intono Nobiembre 30 iti daytoy a tawen, no sadinno manamnama a mapaayaban ti lima a witness ti prosekusion.