LAOAG CITY – Naikorehiren dagiti panagkamali dagiti coordinates ti walo a farm-to-market road (FMR) projects a karaman iti proposed 2027 budget.

Daytoy ti inbatad ni Department of Agriculture (DA) spokesperson Assistant Secretary Arnel de Mesa.

Kuna na a nakitaripnong ti Agriculture Department iti People’s Budget Coalition, Better Gov. PH, ken Bisto Proyekto tapno trataren ti maipagarop nga “encoding and geotagging errors” iti walo a Farm to market Roads nga immunan a nakwestyunaran.

Iti panagdengngeg ti House agriculture and food committee iti panangsolbar ti gobierno iti epekto ti El Nino, inadmitir ni Department of Agriculture Assistant Secretary for Operations U-Nichols Manalo a walo manipod iti 1,699 Farm to market Roads projects iti proposed budget ti ahensya para iti sumaruno a tawen ket naglaon ti saan nga umiso nga coordinates gapu iti encoding errors.

Napasamak daytoy kalpasan a dinillaw ti budget watchdog a People’s Budget Coalition dagiti probisyon ti proposed 2027 national budget, nga inaprubaran ti Kamara de representantes iti maikatlo ken naudi a pannakaibasa na nga adda dagiti maipagarop a saan nga usto a project coordinates.

Immunan nga inrakurak ti Department of Agriculture a ti  discrepancies ket naestablisar gapu iti encoding ken typographical errors.

Inpakaammo ni De Mesa a dagiti proyekto nga addaan ti saan nga usto a coordinate ket nababbaba ti 1% ti pakabuklan a 1,669 a farm to market roads iti proposed budget ti Department of Agriculture para iti 2027.