LAOAG CITY – Natay ti tallo nga indibidual ken idinto a 36 met ti manarimaan a mabirbirok kalpsan ti napasamak nga uram iti maysa a pagaramidad ti kendi iti western Java, idiay Indonesia ita a Domingo, Nobiembre 22.

Nairekord ti uram iti maysa a pabrika iti distrito ti Serang, probinsia ti Banten, 50 a kilometro manipud iti lauden ti kabisera ti Jakarta idiay Indonesia.

Basar iti National Search and Rescue Agency ti Indonesia, agpapan iti pannakaisurat iti daytoy a damag, umaboten iti 15 nga indibidual ti naisalakan manipud iti uram, no sadinno uppat kadagitoy ti naitaray iti ospital.

Kabayatanna, segun iti Gobernador ti Banten a ni Andra Soni, agarup 60 nga indibidual ti adda iti uneg ti nasao a pabrika idi napasamak ti insidente.