LAOAG CITY –Kiniddaw ni Senator Bato dela Rosa iti Senate Committee on Ethics and Privileges ti panangibasura ti ethics complaint a naipila kontra kenkuana mainaig iti nabayag a saanna a panagserrek iti opisinana.

Iti nagbalin a sungbat ti kampo ni Senator Bato iti nasao a reklamo, inpetteng ni dela Rosa a saan nga umanay dagiti affidavit dagiti reklamo tapno mapaneknekan nga adda ti nilabsingna iti paglintegan ti Senado.

Mainaig iti daytoy, kwinestionaran pay ti Senador ti madakdakamat aCivil Service Rules mainaig iti nabayag a saanna a panagparang iti trabahona gaputa saan daytoy a sakupen dagiti miembro ti Kongreso.

Kabayatanna, inlawlawag ni dela Rosa a saan daytoy a personal a makaatatendar kadagiti sesyon gapu iti pangta a mabalin daytoy a maarestar gapu pay laeng iti arrest warrant ti International Criminal Court (ICC) kontra kenkuana.